AJINYONGA KWA MADAI YA UGUMU WA MAISHA

Jamaa akiwa ananing’inia muda mchache baada ya kujinyonga.

Marehemu akionekana kwa nyuma.

Baada ya kuteremshwa chini na Wasamaria wema.

Mke wa marehemu akilia kwa uchungu.

Majirani waliokusanyika eneo la tukio.

MWANAMME mmoja ambaye hakutambulika jina lake, aliyekuwa mkazi wa Kigogo-Mbuyuni jijini Dar es Salaam asubuhi ya kuamkia leo (Mei 29), amejinyonga kwa madai ya ugumu wa maisha uliosababishwa na kukosa ajira.
Wakizungumza na mtandao wa huu, baadhi ya majirani ambao walihojiwa walisema kuwa jamaa huyo kwa muda mrefu alikuwa hana kazi hivyo kumsababishia ugumu wa maisha ambao ulikuja kumfanya ajinyonge.
“Siku zote mwanaume ameumbwa kutafuta riziki na si kukaa kusubiri kuletewa riziki. Jamaa huyu alikuwa akikaa tu nyumbani akimuachia mkewe aende akatafute riziki, matokeo yake ndio haya,” alisema jirani mmoja aliyekuwepo eneo la tukio.

Habari na www.globalpublisher.com

ORODHA YA WAJANE WA KANUMBA

HABARI hii haina lengo la kumhukumu mtu, mwenye uwezo huo ni Mwenyezi Mungu pekee, lakini Ijumaa Wikienda lina orodha ndefu ya warembo waliowahi kuwa na uhusiano wa kimapenzi na marehemu Steven Kanumba ‘The Great’ ambapo uchunguzi umethibitisha kuwa, kifo cha staa huyo kimewaacha ‘wajane’ hao katika vilio vya kila kukicha.
Uchunguzi makini uliofanywa na gazeti hili umebaini kuwa nyota huyo alikuwa na uhusiano na wasichana mbalimbali wakiwemo ma-miss, wanamuziki, wasanii wa sinema na wasio na fani yoyote ile.
Kwa mujibu wa chanzo chetu cha uhakika, kifo cha Kanumba bado kinawachuruzisha machozi wasichana hao kama inavyokuwa kwa wanawake walioolewa halafu wakaondokewa na waume zao (wajane).
‘Wajane’ hao waliotajwa kuendelea kumwaga machozi ni kama ifuatavyo;
WEMA SEPETU
Ni Mrembo wa Tanzania mwaka 2006/07 ambaye kwa sasa ni staa mkubwa wa filamu za Kibongo. Awali yeye na marehemu Kanumba walijaribu kuficha penzi lao lakini kadiri siku zilivyosonga, hakukuwa na kificho tena.
Kifo cha Kanumba ni pigo kwake, bado anamlilia hadi sasa. Wakati wa msiba alikiri kuwa hakuwahi kutengana moja kwa moja na marehemu.
SYLVIA SHALLY
Ni mrembo wa Miss Dar City Centre 2009, alikuwa na uhusiano na Kanumba, walianza walipokutana katika shindano la kumtafuta Unique Model kwenye Hoteli ya Giraffe, Dar.
Yeye bado hajaamini kama staa huyo aliaga dunia ghafla.
QUEEN SUZY
Ni Mnenguaji wa Bendi ya FM Academia ‘Wazee wa Ngwasuma’, aliwahi kudaiwa kuwa na uhusiano na marehemu Kanumba wakati fulani akipiga mzigo kwenye Bendi ya The African Stars ‘Twanga Pepeta International’ ambapo mara nyingi Kanumba alikuwa akienda nyumbani kwake.
Anasema kifo cha Kanumba mpaka sasa bado ni ndoto kwake na hakuamini.
SHAMSA FORD
Orodha inamtaja mcheza filamu huyu ambaye aliwahi kuwa na uhusiano na marehemu wakati wakiigiza sinema ya Saturday Morning.
Kifo cha Kanumba kwake ni pengo kwa sababu ndiye aliyemwingiza kwenye ‘gemu’ la sanaa ya maigizo na atamlilia marehemu kila atakapokuwa akimkumbuka.
AGNESS GERALD ‘MASOGANGE’
Orodha hiyo inamjumuisha muuza nyago huyu kwenye video za wasanii wa Bongo Fleva na filamu ambaye anadaiwa aliwahi kuwa na uhusiano na Kanumba wakiwa kwenye Kundi la Sanaa la Kaole la jijini Dar.
Kifo cha Kanumba anasema bado kinamchuruzisha machozi kila anapokumbuka, hasa mara ya kwanza alipopokea taarifa za kufariki kwake.
SHARZ
Huyu ni mrembo aliyecheza filamu ya marehemu iitwayo The Shock. Ndiye mpenzi wa Kanumba aliyetangaziwa kuolewa, lakini ghafla waliachana na Sharz hajaonekana tena kwenye muvi.
Kifo cha marehemu kilimkuta akiwa masomoni, Kenya. Kilio chake anasema kitadumu na kudumu na kudumu.

AUNT EZEKIEL
Ishu ilibumburuka mwaka jana pale Klabu ya Bongo Movie (Viwanja vya Leaders, Kinondoni, Dar) ilipotangaza kumsimamisha ndipo yakaibuka makubwa kuwa alifanyiwa hivyo kwa sababu alimmwaga Kanumba. Baada ya hapo uhusiano wao ukakatika.
Alikuwa mstari wa mbele kwenye kifo cha marehemu, mpaka Muhimbili kuuhifadhi mwili. Anasema hatakaa asahau kifo hicho.
ELIZABETH MICHAEL ‘LULU’
Kwa sasa anashikiliwa na sheria kwenye Gereza la Segerea, Dar akiwa mshukiwa wa kwanza katika kifo cha Kanumba kufuatia ugomvi wa kimapenzi kati yao.
Siku ya tukio, baada ya ugomvi huo Lulu aliondoka na huko alikokwenda alipata habari kwamba mpenzi wake huyo amefariki dunia, akasema haitatokea akaamini.
SALMA HAMIDU
Ni mdada mkazi wa jijini Mwanza, yeye anatajwa kwenye listi ya ‘wajane’ kufuatia hivi karibuni kuibuka akidai ana mtoto wa kike aliyezaa na marehemu Kanumba aitwaye, Treasure.
Kwa vyovyote vile, kwa kuondokewa na mzazi mwenzake, Salma atakuwa analia kila kukicha, hasa anapomwangalia Treasure.
PASCALIA MACHA
Ni mkazi wa Sumbawanga, Rukwa. Aliibuka na kudai akiwa anaishi Dar, aliwahi kuwa na uhusiano na marehemu na kufanikiwa kupata naye mtoto.
ISABELLA FRANCIS
Huyu ni msanii anayekuja juu kwenye tasnia ya uigizaji Bongo. Amewahi kukiri kuwa ‘alishatoka’ na marehemu kwa mapenzi motomoto na wakamwagana bila bifu.
Kifo cha mpenzi wake huyo kwake ni kitendawili ambacho anaamini siku si nyingi, Mungu atakitegua kuwa maigizo na uhalisia wa marehemu utarudia kama zamani.
WALIOKWENDA NYUMBANI KWA MAMA KANUMBA
Wajane hao hawajaishia hapo kwani wiki mbili baada ya kifo cha staa huyo wa filamu za Bongo wako warembo, kwa nyakati tofauti, waliokwenda nyumbani kwa marehemu maeneo ya Vatican City Hotel, Sinza na kumkabili mama’ke wakimwambia wao walikuwa wachumba wa Kanumba.
Mama Kanumba aitwaye Flora Mtegoa aliwahi kukiri kwa mapaparazi kuhusu ‘wachumba’ hao ambapo alisema idadi yao ilifikia watano.
TUNAMNUKUU:
“Sishangai kusikia kuna wanawake wanaodai walizaa na marehemu mwanangu maana hapa wameshakuja wasichana, nadhani wamefika watano sasa, kila mmoja anadai yeye alikuwa mchumba wa marehemu (kicheko cha uchungu).”
www.globalpublisher.com

NJEMBA AFUMWA AKIMCHUNA MBWA!

-Ilikuwa ni kwa ajili ya mishikaki, supu ya kuuza
 UKISTAJABU ya Musa utaona ya firauni, hali hiyo iliwatokea wakazi wa Ubungo Kibangu pale mkazi mmoja aliyetajwa kwa jina la Rajabu aliponaswa na wananchi akimchuna mbwa.
Baada ya Rajabu kufumwa akifanya kitendo hicho Jumamosi ya wiki iliyopita, alipewa kibano na wananchi wenye hasira kali akakiri kwamba mbwa huyo alikuwa akimuandaa ili akamuuzee kama mishikaki na supu kwa wateja wake.
Shuhuda wetu aliliambia gazeti hili kuwa baada ya wananchi kumtilia shaka anapopata nyama ya kuuza kutokana na hali yake ya kiuchumi kuwa duni, waliunda kikosi kazi cha kumchunguza ndipo arobaini yake ikatimia.
Mtoa habari huyo alisema baada ya wananchi kuchukizwa na kitendo hicho waliamua kumfikisha kijana huyo Kituo cha Polisi cha Kibangu.
“Kijana huyo alipohojiwa na polisi alikiri kufanya biashara hiyo kwa muda mrefu,” kilisema chanzo chetu.
Akizungumza na gazeti hili mwishoni mwa wiki iliyopita, Kamanda wa Polisi wa Mkoa wa Kipolisi wa Kinondoni, ACP Charles Kenyela alisema kuwa taarifa juu ya tukio hilo hajazipata na akaahidi kuzifuatilia na kusisitiza kuwa kama ni kweli kijana huyo alifanya kitendo hicho atachukuliwa hatua za kisheria.]
www.globalpublisher.com

SPIKA MAKINDA AWASILI JAPANI KWA ZIARA YA SIKU 6 YA MWALIKO BUNGE LA JAPAN

Spika wa Bunge Mhe. Anne Makinda akiwa katika mazungumzo maalumu na Naibu Meya wa Mji wa Natori Mhe. Takamoto Ohta (kushoto) mara baada ya kuwasili katika mji huo kwa lengo la kujionea uharibifu ulitokana na mafuriko ya tsunami yaliotokea machi mwaka jana ambapo zaidi ya watu 911 walipoteza maisha na wengine 53 kutopatikana katika mji huo. Mhe. Spika na ujumbe wa wabunge 5 wapo katika ziara nchini Japani kwa mwaliko maalumu wa Bunge la Japani.

 Naibu Meya wa Mji wa Natori Mhe. Takamoto Ohta akimuonesha katika ramani Mhe. makinda sehemu kubwa ya Maeneo yalioathirika na mafuriko hayo katika Mji wa natori.

 Spika wa Bunge Mhe. Anne Makinda akimkabidhi zawadi Naibu Meya wa Mji wa Natori Mhe. Takamoto Ohta (kushoto) mara baada ya kufanya nae mazungumzo baada ya kuwasili katika mji huo kwa lengo la kujionea uharibifu ulitokana na mafuriko ya tsunami yaliotokea machi mwaka jana ambapo zaidi ya watu 911 walipoteza maisha na wengine 53 kutopatikana katika mji huo.

 Mhe. Spika akiangalia baadhi ya Mabaki ya wahanga wa Mfuriko hayo katika Shule ya awali ya YORIAGE ambapo picha na nguo za wanafunzi waliofariki zimehifadhiwa.

 Spika wa Bunge Mhe. Anne Makinda akiweka shada la maua katika eneo maalumu lililotengwa kwa ajili ya kumbukumbu ya wahanga wa Mafuriko ya Tsunami yaliyoikumba nchi ya Japan Mwezi Machi mwaka jana alipotembelea Mji wa NATORI, Uliopo mkoa wa MIAGA ikiwa ni mojawapo ya miji iliyokumbwa na mafuriko yaliyoikumba Japani Mwaka jana. Mhe. Spika na ujumbe wa wabunge 5 wapo katika ziara nchini Japani kwa mwaliko maalumu wa Bunge la Japani.

Ujumbe wa Tanzania ukiongozwa na Spika wa Tanzania Mhe. Anne Makinda wakiwa katika picha ya pamoja na Naibu Meya wa Mji wa Natori Mhe. Takamoto Ohta (Kulia) mara baada ya kuweka shada la Maua katika eneo maalumu lililotengwa kwa ajili ya kumbukumbu ya wahanga wa Mafuriko ya Tsunami yaliyoikumba nchi ya Japan Mwezi Machi mwaka jana alipotembelea Mji wa NATORI, Uliopo mkoa wa MIAGA ikiwa ni mojawapo ya miji iliyokumbwa na mafuriko yaliyoikumba Japani Mwaka jana. Mhe. Spika na ujumbe wa wabunge 5 wapo katika ziara nchini Japani kwa mwaliko maalumu wa Bunge la Japani. Kushoto ni Mhe. Tundu Lissu, Mhe. Anne Makinda, Mhe. Rukia Ahmed, Mhe. James Lembeli, Mhe Anne Kilango Malecela, Naibu meya wa Mji wa Natori Mhe. Takamoto Ohta na Mhe. Godfrey Zambi.

A-Z BARAZA JIPYA LA MAWAZIRI

                                                              Rais Jakaya Kikwete.
Na Elvan Stambul

RAIS Jakaya Kikwete amekasirishwa na utendaji mbovu wa baadhi ya mawaziri wa serikali yake hivyo kuamua kulivunja baraza lake la mawaziri.
Habari kutoka chanzo chetu ndani ya Ikulu zinasema Rais Kikwete amehuzunishwa na ubadhirifu uliofanywa na baadhi ya viongozi wa serikali, hali iliyomfanya aseme wazi kwamba hakufurahishwa na watu ambao wanachukua fedha za umma ili kunenepesha matumbo yao.


Habari zaidi zinasema kuwa kutokana na ulaji wa fedha za umma ambao Kikwete alisema ni kama wa mchwa, uliofanywa na baadhi ya viongozi wasiokuwa na huruma na wananchi, kuna uwezekano mkubwa wa watuhumiwa kupandishwa kizimbani.

“Hawa watu watachukuliwa hatua za kisheria ili kulinda heshima ya chama chake (Chama Cha Mapinduzi) na serikali yake. Nakuhakikishia kuwa hili limemkera sana rais na hata kile kitendo cha mawaziri kubishana hadharani,” kilisema chanzo hicho. Hadi wakati tunakwenda mitamboni kulikuwa na tetesi kwamba Rais Kikwete angetangaza baraza lake jipya la mawaziri wakati wowote.

Bunge katika kikao chake kilichopita lilipendekeza kwa serikali kuwa mawaziri wanane watimuliwe na wakatishia kuwa wasipotimuliwa watampigia kura ya kutokuwa na imani na Waziri Mkuu Mizengo Pinda kutokana na ubadhirifu wa fedha ulioainishwa na Mkaguzi na Mdhibiti Mkuu wa Hesabu za Serikali, Ludovic Utouh.

MALI ZA KANUMBA ZAANZA KUUZWA

Na Shakoor Jongo

SIKU ishirini na sita zimekatika tangu nyota wa sinema Tanzania, Steven Charles Kanumba ‘The Great’ afariki dunia, kuna taarifa kwamba mali zake zimeanza kuingia kwenye mauzo.
Kwa mujibu wa chanzo chetu cha habari, mama mzazi wa marehemu Kanumba, Flora Mtegoa anasaka mteja wa kulinunua gari aina ya Toyota Lexus lenye namba za usajili T750 AER lililoachwa na staa huyo mkubwa ndani na nje ya Bongo.

CHANZO CHAMWAGA SIRI
Chanzo hicho kimesema gari hilo limeingia sokoni likisimamiwa na mwanamke mmoja (jina linahifadhiwa) ambaye amekabidhiwa ‘dokumenti’ zote.
“Jamani gari la marehemu Kanumba lile ambalo alikuwa anatambiana na Ray (mwigizaji Vincent Kigosi) linauzwa. Yupo mwanamke mmoja amepewa kazi hiyo na amekabidhiwa makaratasi yote yenye maelezo,” kilisema chanzo.
Kikaendelea: “Mama wa marehemu ndiye aliyeamua hivyo, tayari siku ya Jumanne (juzi) kuna wateja walijitokeza, lakini baada ya makubaliano walitaka kujiridhisha kwa kwenda kwenye ‘yadi’ ambayo Kanumba alipolinunua gari lile, pale Sozmy maeneo ya Kijitonyama, Dar.”
Inadaiwa lengo la wanunuzi hao kwenda yadi ni kutaka kujua kama marehemu Kanumba hakuwa akidaiwa na waliomuuzia gari hilo.
Kuhusu bei, chanzo kilisema kwa mteja anayelitaka anatakiwa kuweka mezani Sh. milioni 45 ili akabidhiwe gari hilo.
Awali, marehemu Kanumba alisema alilinua gari hilo kwa Sh. milioni 78 hivyo kuuzwa kwa bei ya mama ni pungufu ya Sh. milioni 33.

MALI NYINGINE ZIKAE TAYARI
Hata hivyo, kwa mujibu wa habari za ndani, kuuzwa kwa gari hilo ni mwanzo wa maandalizi ya kuendelea kupigwa bei kwa mali nyingine za marehemu ili kuweka sawa maisha ya familia kufuatia kifo cha msanii huyo.

KWA WENZETU WA NJE
Kule majuu nchi za Ulaya na Marekani, utaratibu wa mali za marehemu kama alikuwa supastaa hupigwa mnada hadharani ambapo bei huwa juu kupita ya manunuzi ya awali.
Kama familia ya Kanumba ingeamua kupiga mnada gari hilo kuna uwezekano lingenunuliwa kwa zaidi ya Sh. milioni 100.

KUNA USIRI?
Haijajulikana mara moja sababu za kuuzwa kwa gari hilo ndani ya kipindi cha kuelekea 40 ya marehemu Kanumba aliyefariki dunia Aprili 7, mwaka huu nyumbani kwake, Vatican City Hotel, Sinza, Dar.
Taratibu za jamii ya Kitanzania, mali za marehemu hujulikana hatima yake kwenye 40 ambapo hutafutwa mrithi wake.

Ziko pia habari kwamba baba mzazi wa marehemu Kanumba, Mzee Charles Kusekwa Kanumba anayeishi Shinyanga amepanga kupata mgawo wa mali za marehemu huku akisema anajua kila kitu kilichoachwa na mwanaye.
Mzee huyo alipovutiwa simu na paparazi wetu kuulizwa kama ana habari yoyote kuhusu mali za marehemu kuuzwa alijibu atafuatilia.
“Sina taarifa yoyote ila nitafuatilia ili nione hilo likoje,” alisema.

TUNDU LISSU MACHOZI PWAA! BAADA YA KUSHINDA KESI YA KUPINGA UBUNGE WAKE

    Mbunge wa singida nashariki (tundu lissu) akilia kwa furaha huku akibembelezwa na mbunge wa viti maalum kataru mkoa wa manyara (rose kamili),Baada ya mahakama kuu kutupia mbali pingamizi la kupinga matokeo yaliyompa ubunge lissu

 Lissu akifutwa machozi na mkewe wakati wakitoka nje ya mahakama mjini singida

WARAKA WA VICENT KIGOSI (RAY) KWA WATANZANIA JUU YA MSIBA WA KANUMBA

Waraka huo ulinaswa hivi karibuni kupitia blogu yake ambapo baada ya kuupitia tukaona ni vyema ukasomwa na Watanzania wote ili kuweza kupata jibu la kwa nini yeye hahusiki? Waraka huo ni huu hapa chini…

Yapata wiki tatu sasa tangu msanii mwenzangu Steven Kanumba aage dunia na kama ilivyo kwa kila kitu kinapotokea huandamana na kila aina ya maneno na hisia mbalimbali kutokana na mitazamo yawatu kupishana kuhusiana na jambo husika.
Kulingana na muktadha huo, msiba wa Steven Kanumba umekumbwa na maneno na hisia kama hizo, hususan mazingira ya kifo chake. Kinachosikitisha zaidi watu wengi (ambao wanajitambulisha kama wapenzi wa Kanumba) na baadhi ya vyombo binafsi vya habari vimekuwa vikinihusisha na kifo hicho kwa kusema kwamba kwa njia moja au nyingine nahusika na mauaji ya Steven Kanumba.


Kwa muda wote huo tangu msiba ulipotokea mpaka leo hii nashika kalamu kujaribu kuyaweka sawa na kuondosha hisia chafu katika fikra za watu. Nimekuwanikipitia katika wakati mgumu sana kwa jinsi ambavyo nimekuwa nikinyooshewa vidole kila upande nikihusishwa na kifo hicho.
Kiujumla nimezingatia maoni ya wapenzi na mashabiki wangu wakinitaka kuwa na subira ila kuna usemi usemao, uongo ukirudiwa sana jamii huusadiki na kuuona ukweli, nimeona nisikae kimya ila niweke sawa hili kwamba sihusiki na kifo cha Steven Kanumba.
Nasema wazi kwanza sihusiki kabisa na kifo cha Kanumba kwa kuzingatia mazingira yenyewe ya kifo kilivyotokea. Wakati kifo hicho kinatokea, nilikuwa sehemu nyingine kabisa na mimi nilikuwa mtu wa tatu kutaarifiwa kwamba Kanumba amepatwa na mkasa ambao baadaye ulisababisha kifo chake.


Hata nilipofika katika Hospitali ya Muhimbili (tofauti na watu wanavyodhani kuwa nilifika nyumbani kwake, ukweli mimi nilimkuta tayari amepelekwa Muhimbili), nilikuta tayari alikuwa ameshafariki ndiyo maana hata polisi wanaohusika na usalama wa raia, si tu kwamba hawakuniweka chini ya ulinzi, sikuitwa hata kuhojiwa kwa sababu hakunamazingira yoyote yanayonihusisha mimi nakifo hicho.


Kitu kikubwa kilichokuwa kinaendelea baina yetu ni kwamba tulijenga ushindani wa kuendeleza kazi mbele kwa kila mmoja akitoa kazi, mwingine anamjibu.


Watu wanaojaribu kuonesha kuwa tofauti zetu ilikuwa ni uadui, huwa hawajui wapi tulikotoka ndiyo maana wanasema wasemavyo na katika kuthibitisha kuwa tofauti hizo hazikufikia katika uadui

Kumtuhumu mtu kwa namna yoyote ile bila ya uthibitisho wa tuhuma hizo, ni kosa kwa sheria za nchi na pia kama ni mfuasi wa dini yoyote ni dhambi, kwani wakati ukisema hayo huku hujui uhalisia bali unasukumwa na nguvu za hisia tu ni sawa na kumchafua mtu huyo katika jamii bila ya kujua jamii inamchukuliaje.

Wastara awaonya wanaomzushia kifo Sajuki

Na Gladness Mallya
KUFUATIA uvumi uliozagaa katika Jiji la Dar ukidai kwamba, msanii anayefanya vizuri kwenye gemu la sinema Bongo, Juma Kilowoko ‘Sajuki’ amefariki dunia, mkewe Wastara Juma ameibuka akiwataka wazushi hao kuacha mara moja tabia hiyo.

Uvumi huo ulizagaa kuanzia Jumamosi iliyopita huku watu kadhaa wakiandika kwenye kurasa zao za mtandao wa kijamii wa Facebook kuwa, staa huyo ameaga dunia.

Wastara mwenyewe alikiri kupokea simu nyingi kutoka ndani na nje ya nchi zikimpa pole kufuatia ‘kifo’ cha mumewe jambo ambalo alisema linamuumiza sana.

Aidha, Wastara alisema: “Sijui ni binadamu gani aliyeanza kusambaza uzushi huo, lakini nawaomba watu wanaotumia mitandao ya kijamii au kutumia ujumbe mfupi wa maneno kwa simu (sms) kuwa wastaarabu na wasichezee uhai wa mtu kwani mwenye uwezo huo ni Mungu pekee.”

chanzo-Global publisher

DIAMOND KUKAGUA HELIKOPTA ATAKAYOSHUKA NAYO DAR LIVE

 Diamond akiwa na wasanii wa kundi la Pah One wakielekea uwanjani.

 Diamond akiwa na wasanii wa kundi la Pah One juu ya helkopta.…

Kapteni wa helkopta hiyo, Nasser akisalimiana na Diamond.

Raisi wa wasafi Bongo, Nassib Abdul ‘Diamond Platinum’ leo alikuwa Uwanja wa Ndege wa Mwalimu Nyerere kukagua helkopta atakayoshuka nayo Jumapili hii ndani ya Ukumbi wa Dar Live, Mbagala Zakhem.
Hbr Picha na Erick Evarist

Chanzo-Global publisher

WABUNGE WALIVYOWEKA SAHIHI KUTOKUWA NA IMANI NA WAZIRI MKUU (#VOTEOFNOCONFIDENCE)

 Mbunge wa Ludewa (CCM), Deo Filikunjombe akiweka sahihi katika fomu ya majina ya wabunge wasiokuwa na imani na Waziri Mkuu, Mizengo Pinda, katika Viwanja vya Bunge mjini Dodoma juzi. Kulia ni Mbunge wa Kigoma Kaskazini, Zitto Kabwe anayefanya zoezi la kukusanya sahihi za wabunge ili aweze kuwasilisha bungeni hoja kutokuwa na imani na Waziri Mkuu, kesho Jumatatu.

Mbunge wa wa Kasulu Mjini, Moses Machali akiweka sahihi katika fomu ya majina ya wabunge wasiokuwa na imani na Waziri Mkuu, Mizengo Pinda, ndani ya ukumbi wa Bunge mjini Dodoma juzi. Kushoto ni Mbunge wa Kigoma Kusini, Zitto Kabwe anayetaka kuwasilisha bungeni hoja ya kutokuwa na imani na Waziri Mkuu.

Kiongozi wa Kambi ya Upinzani Bungeni, Freeman Mbowe akiweka sahihi katika fomu ya majina ya wabunge wasiokuwa na imani na Waziri Mkuu, Mizengo Pinda, ndani ya ukumbi wa Bunge mjini Dodoma juzi.

Mbunge wa Vunjo, Augustine Mrema akiweka sahihi katika fomu ya majina ya wabunge wasiokuwa na imani na Waziri Mkuu, Mizengo Pinda, ndani ya ukumbi wa Bunge mjini Dodoma juzi.

Mbunge wa Bukombe, Prof Kulikoyela Kahigi akiweka sahihi katika fomu ya majina ya wabunge wasiokuwa na imani na Waziri Mkuu, Mizengo Pinda. Katikati ni Mbunge wa Kigoma Kaskazini, Zitto Kabwe na Mbunge wa Arumeru Mashariki, Joshua Nassari.

Chanzo cha habari:www.globalpublisher.com

JACOB ZUMA AOA MKE WA SITA, NI BONGI NGEMA

 Hapa ni wakati wa ndoa ya kimila.

Zuma akiwa amevaa ngozi ya chui na kubeba ngao wakati wa harusi ya kimila.

RAIS wa Afrika Kusini, Jacob Zuma, jana Jumamosi ameoa mke wa sita katika sherehe ya siku ya pili iliyopambwa kwa shamra za kabila la Wazulu. Rais huyo mwenye umri wa miaka 70 alimwoa Bongi Ngema siku ya Ijumaa katika mvumo wa nyimbo za Kizulu akiwa amevaa ngozi ya chui na kubeba ngao huku akiwa amezungukwa na wanaume waliokuwa wamvalia nguo za wapiganaji wa kijadi.

Msimamizi wa ndoa hiyo alikuwa ni mke wa nne wa Zuma aitwaye Nkandla katika sherehe iliyofanyika KwaZulu-Natal na kufuatiwa na sherehe za kisasa ambazo zilikuwa ni pamoja na kukata keki.

Zuma na Ngema wana mtoto wa miaka saba wa kiume. Ndoa hiyo ni ya tatu katika miaka minne iliyopita naya pili tangu ashike urais wa nchi hiyo mwaka 2009 akiwa rais mwenye wake wengi.

Kiongozi huyo ameoa mara sita na ana watoto 21 ambapo mmoja wa wake zake amekufa na mwingine ambaye ni Waziri wa Mambo ya Ndani, Nkosazana Dlamini-Zuma – ametalikiana naye. Wanawake hao hufaidika kwa kusafiri na rais huyo na kufanya kazi za ukatibu mahsusi, pamoja na kufuatana naye katika ziara za kiserikali.

Pamoja na kwamba Zuma aligharimia ndoa hiyo yeye mwenyewe, serikali pia imeongeza bajeti yake maradufu kwa zaidi ya Dola milioni mbili kutokana na kumwoa mwanamke huyo akiwa mmoja wa familia yake.

Hata hivyo, ndoa ya wanawake wengi inaonekana kupoteza umaarufu nchini Afrika Kusini ambapo ustaarabu wa nchi za Magharibi unazidi kuota mizizi ambapo idadi kubwa ya watu wa nchi hiyo hawakubaliani na utamaduni huo hivi sasa.

Chanzo cha habari :www,global publisher.com

BLOG YETU IPO KWENYE MAREKEBISHO MADOGO

www.jisikienyumbani.blogspot.com Tunafanya marekebisho madogo kuhusiana na mtandao wetu kwhiyo mda si mrefu tutakua tukiendelea kutoa habarai kama kawaida,na kama badu hujajiunga tunakuomba ufanye hivyo ili kutupa support kwa sababu tunafanya kea ajili yenu.Kama una maoni yoyote unaweza ukauambia kupitia account hizi hapa www.facebook.com/Noordin Zuberi,www.facebook.com/Mussa Mwafumili,www.twitter.com/Nizub0Se7en.Ahsante